სეტერი — მეძებარი ძაღლების ჯიში. იყენებენ გარეულ ფრინველზე სანადიროდ. გამოირჩევა ძლიერი ყნოსვითა და თანდაყოლილი ნაბულით. სეტერის 3 ჯიში არსებობს ინგლისური, ირლანდიური და შოტლანდიური — გამოყვანილია XIX საუკუნის I ნახევარში დიდი ბრიტანეთის კუნძულებზე.
XIX საუკუნის II ნახევარში სეტერი შეიყვანეს რუსეთში, შემდეგ გავრცელდა საქართველოშიც.
ინგლისური სეტერი საშუალო ტანისაა, წაგრძელებული ფორმა აქვს, ხმელ-ხმელი, მაგარი აღნაგობის ძაღლია. სხვა მეძებრებისაგან განსხვავდება ძებნის ლამაზი, სწრაფი, დაფენილი მოძრაობის მანერით. შემოსილია აბრეშუმივით რბილი და გრძელი ბეწვით. შეფერილობა: თეთრ ფონზე შავი, ნარინჯისფერი ან ყვითელი კოპლები ან ლაქები.
ირლანდიური სეტერი ხმელ-ხმელი მაღალფეხა ელეგანტური გარეგნობის ძაღლია. გამოირჩევა დაუოკებელი ტემპერამენტითა და სწრაფი ძებნის მანერით. შემოსილია წითელი, სწორი, გრძელი ბეწვით.
შოტლანდიური სეტერი ყველაზე მაღალია სეტერებში, აქვს შავი გრძელი და ფაფუკი ბეწვი
ხვადი 27 – 30 კგ, 60 – 68 სმ,
ინგლისური 
ძუ 25–.28 კგ, 50 – 58 სმ.
ხვადი 30 – 32 კგ. 27-30 კგ.
ირლანდიური 
ძუ 26 – 28 კგ. 65-68 სმ.
ხვადი 66- 70 სმ, 30 – 34 კგ.
შოტლანდიური 
ძუ 62 – 65 სმ, 30 – 32 კგ.
ბუნება და ცხოველები 